撒嬌的女人好那煩。
有啲女人佢地（聲稱）無男朋友
但會對住所有男人撒嬌（包括有女朋友者）
撒嬌都有程度分既
我可能不會愛您入面個Maggie
同撒嬌的女人最好命入面個隋棠都係極端例子
現實生活入面遇到既通常係低level版撒嬌
先利申：我會撒嬌。
但只會對住男朋友一個人撒嬌
而身邊最常遇到既 係果種扮蠢扮傻豬仔既女仔
佢地生活既能力好似係零
汽水開唔到樽裝水擰唔到拎重野手會斷
好多野都唔識唔知 好似連google都唔識
於是就可以好名正言順甘叫身邊男人幫忙
而絕大部分男人喺呢啲情況都唔會拒絕幫忙
我最睇唔順眼係佢地既不思進取
喂唔識唔緊要您咪學左佢下次靠自己囉
但佢地唔會。佢地下次會一樣問番您一樣既問題
仲要擺出楚楚可憐既樣子「您可唔可以幫我呀...」
會唔會太廢
我讀左七年女校
女校教識我一樣最重要的事係
女人都要學識靠自己
因為無男同學會幫您搬野解決問題
於是我身邊的朋友都是獨立能幹的女孩
所以離開中學以後
我找尋既新女性朋友都係霸氣女生
因為我實在頂唔順果啲咩都唔識既廢女孩
Search